Nyhende

 

"Interne konfliktar"

06.06.07
Les meir om konflikten her: [Sogn Avis] [Firda]

"2005"

15.02.05
Fabel har hatt samtalar og kommet fram til at dei ynskjer å få til eit kreativt seminar og ein liten turné hausten 2005. [Roger Allan] har akkurat sluppet sin debut ep, Odd-Erik er i innspurten av sitt solo album, Laila Beathe har akkurat gjort ein turné med eige band og planlegg innspeling av album utpå våren, Knut er jamnt og trutt på turné med "Funky Butt" samt "Rubbel og Beat" og Fred er mykje i Brüssel grunna jobben. Som de skjønar ligg ingen på latsida og det er heller ikkje lett å finne felles tid. Ein ting er likevel sikkert; gruppa ynskjer å komme ihop igjen, skrive nytt materiale samt møte sitt publikum igjen.

"FRIÅR"

23.02.04
Året 2004 vert eit "friår" for bandet Fabel. Medlemmane er opptekne med andre prosjekt og ynskjer meir fokus på dette. Det ventast at Roger Allan slepp EP med eige materiale til hausten og at Odd-Erik kjem med eit soloalbum i løpet av året. Laila Beathe heldt sin fyrste solokonsert for fullt hus på "Den Stundesløse" før jul og planlegg fleire jobbar dette året. Knut spelar mykje med Funky Butt samstundes som han turnerar mykje for Rikskonsertane. Fred på si side jobbar hardt og trufast i Brandmanagement.no.
Her kan du lese eit intervju med Roger Allan på UKM 2004 sine sider.

PAUSE

25.08.03
16. August spelte Fabel på festivalen Målrock i Årdal. Denne jobben vart ein stor opptur for bandet og det faste publikum svara med å seie at dette var noko av det beste dei hadde høyrt på lenge. Påfylgjande fredag var det kyrkjekonsert i Eikefjord og 250 personar gjorde sitt til at det vart ein konsert iallefall bandet vil hugse lenge. "Særs, særs hyggeleg" kvitterar Knut Lothe til fabel.net

MAITURNÈEN

15.05.03
Fabel takkar alle som kom på konsertane og gjorde sitt til at dette vart ein hyggeleg turnè. Bandet ynskjer samstundes å takke gitarist Ståle Wick, keyboardist Torbjørn Ellingsen og lydmann Børre Leinebø for godt samarbeid og hyggeleg lag!

Våren 2003

08.02.03
Fabel har vakna frå ein lang (!) ferie og nye planar vert i desse dagar lagt for våren og sommaren 2003.
I fyrste omgang vert det nokre enkeltjobbar før gruppa legg ut på ein "miniturnè" i Mai. Det er usikkert kor desse jobbane blir per idag men vi kan røpe at heimfylket, Oslo og Bergen skal få besøk.

FYLKESKULTURPRISEN 2002

09.12.02
Sogn & Fjordane Fylkeskommune har tildelt Fabel fylkeskulturprisen 2002 for bandet sitt arbeid gjennom 4 album. I tillegg til heder og ære, god middag og fuktig lag fekk gruppa 40 000Kr til den skrantne bandkassa si!

NORSKTOPPEN

04.05.02
Låta [På tide] gjer det etterkvart betre på [Norsktoppen] I sin 10. uke går den opp til andreplass.

VÅR OG SOMMAR

17.04.02
Innspelinga til "Absolutt Norsk" er unnagjort og programmet skal gå siste helga i juli. Dei som vil oppleve Odd-Erik spele på stoveorgelet sitt til 650Kr bør fylgje spesielt med. (Det same orgelet nyttast fleire gonger på albumet Smil...) Fabel nyttar elles tida no til å planlegge ny singel frå albumet samt fleire jobbar for hausten 2002.

TURNÈEN OG NORSKTOPPEN

12.03.02
Meir folk, god stemning og veldig bra platesalg vart kjenneteikn på alle jobbane Fabel gjorde i samband med platesleppet! Takk til alle arrangørar og publikum. Bandet jobbar no med nye datoar utover våren...

Låta "På tide" ligg førebels på ein 6. plass på [Norsktoppen] Du kan gje oss din stemme ved å ringe 829 47 747 og taste 6 eller sende SMS til TOPPEN 6 til: 1987 (NB! stem f o m søndag kl 22.05 t o m mandag morgen)

STAVANGER OG HAUGESUND

27.02.02
Haugesunds Avis trilla også fram ein femmar i denne kritikken [her] (Du må finne fram til musikksida) og Stavanger Aftenblad har ein flott omtale av plata [her]
På tide med ein spelejobb i desse byane...

TV2 OG SMUGET

26.02.02
Fabel skal vera med i God Morgen Norge på TV2 fredag 1. mars og spelar same kvelden på nyopninga av storscena (Storm P) på Smuget i Oslo! Smuget kom med førespurnad om Fabel ville gjere to konsertar der, etter at showet til Otto Jespersen er ferdig.
Jobbane i Årdal og Sogndal denne veka gjekk veldig bra med godt oppmøte og platesalg. Fabel takker alle som kom! Ifrå platelageret får dei også melding om at nesten 3000 plater er ute...

FEM I DAGBLADET, AFTENPOSTEN, OG AVISA NORDLAND

19.02.02
Tre aviser har i dag gitt albumet smil ein femmar. Desse er [Dagbladet] [Aftenposten] og Avisa Nordland.

Gårsdagens plateslepp på Rick's i Bergen vart meget godt besøkt og særs vellukka. I dag kan ein sjå store oppslag i både BergensAvisen, Bergens Tidende og Firda samt innslag på TV Hordaland! Samstundes som platesleppet gjekk sin gong sendte Absolutt Underholdning på TV2 eit innslag om musikkvideoen som Fabel hadde laga til låta "på tide".
Sogn Avis har også ein artikkel om bandet som du kan lese [her]

FEM I VG OG TV JOBB

15.02.02
VG trilla fram ein femmar i denne særs positive kritikken som du kan lese [her]

Det er bestemt at Fabel blir med i neste runde av Rune Larsen sin serie Absolutt Norsk. Opptaka der skal skje i byrjinga av april men det er ikkje bestemt kor tid det blir sendt. Vi lovar å fylgje opp.

FØRPREMIERE OG UTSOLGT KONSERT

11.02.02 (Laila sin bursdag)
Fabel hadde forrige helg ein liten tjuvstart med to vellukka konsertar i Volda og på Eid. Responsen på låtane frå det nye albumet var over all forventning. Samstundes gjorde bandet intervju for NRK Sogn & Fjordane, Firda, Fjordenes Tidende, Fjordabladet, Nær TV i Volda og P4. Dei fekk også den hyggjelege beskjeden om at den komande konserten i Sogndal vart utsolgt på 1 1/2 time!

PLATESLEPP SMIL
PÅ RICK'S I BERGEN 18. FEBRUAR!

07.02.02
Det er no bestemt at det blir plateslepp på Rick's i Bergen 18. februar klokka 17.30. Her vil mellom anna fabel spele litt frå det nye albumet, lansere eit anna produkt (?) og dei håpar også å ha litt video på lur... Det kostar ingenting å komme inn men både fabel-butikken og baren er open... (Ferdig signert Smil album til dømes?)
 
Har du lyst til å komme? Send oss ein [e-post] så me ldar vi deg på.

Dei som bur i Sogn & Fjordane må også få med seg at Odd-Erik skal i portrettsending onsdag 13. feb i NRK Sogn og Fjordane. Les meir på NRK sine sider [her].

RIDE THIS TRAIN -BERGEN

21.01.02
Fabel sin opptreden på [Ride this train] viste eit friskt og særs spelesugent band. Faktisk fekk dei etter endt speling på Garage tilbod frå festivalleiinga om ein ekstrajobb på Madam Felle same kvelden! Fabel tok sjølvsagt utfordringa. Repertoaret denne kvelden besto av Min ville draum, Fem, kjærleik & luft, Slangetime< /i> og På tide. (Dei tre siste frå det nye albumet)

BESTILLING, TURNÈ ETC.

09.12.01
Fleire har allereie benytta høve til å bestille Fabel sitt neste album på førehand. Dette betyr at du får albumet i posten så fort som FABEL har det på lager i februar. Alt du treng å gjere er å fylle ut [denne]
e-posten.
I morgon startar miksinga i Bergen, og i Oslo er det møte med plateselskapet og designarane til omslaget. Fleire av datoane til turnèen er også på plass og lista vil bli lagt ut fortløpande i det nye året.

STUDIO OG MIKSING

26.11.01
I desse dagar gjer FABEL dei siste opptaka i Duper Studio i Bergen. Dette gjeld stort sett vokale ting og anna småplukk. Plata skal så miksast i det same studioet i veke 50 og vert så sendt til Austerrike for trykking.
Sogn Avis hadde i forrige veke ein artikkel om FABEL som du kan lese [her]

STIPEND, SPELING OG VIETNAM

19.11.01
Odd-Erik er tildelt nytt arbeids stipend og opphald i Firenze frå Tekstforfattarfondet. Samstundes kan vi informere om at Odd-Erik og Roger Allan gjer ein liten jobb på "Madam Felle" i Bergen fyrstkomande søndag(25.11). Hovudsakleg vert dette ein kveld der dei presenterar sine heltar og inspirasjonskjelder, men kanskje tek dei ein eller to FABEL låtar også...

Knut og delar av bandet [Funky Butt] reiser i morgon til Vietnam på turnè. Mellom anna skal dei spele i operaen i hovudstaden Hanoi. Fabel.net ynskjer dei god tur.

1144 BESØK I OKTOBER

07.11.01
www.fabel.net hadde i Oktober 1144 besøk og 25733 treff på heimesida! Statistikken viser også at studio-dagboka hadde over 800 besøk. Artig...

FLEIRE LYDKLIPP OG JULEBORD

31.10.01
Fabel har i dag lagt ut 11 "nye" lydklipp frå dei tidlegare utgjevingane på [cd sida]. Samstundes bekreftar dei at Odd-Erik og Roger Allan skal (som i fjor) spele på julebordet for kreftavdelinga på Haukeland sjukehus i Bergen den 14. Desember.
Odd-Erik seier at dei reknar med å spele litt av det nye materialet...

RESULTAT AV KONKURRANSEN!

29.10.01
Trekninga av [konkurransen] er gjort og vi gratulerar Magni Flyum frå Bergen som vinnar! T-skjorte og Cd er på veg i posten. Yttlegare tre stykker skal få
T-skjorte og desse er: Jannike Sundal frå Kjølsdalen, Nicolai Ivin Kvam frå Hafslo, og Jan-Hallvard Førde i Kristiansand . Gratulerar alle saman!

KONKURRANSEN, STUDIO OG LYDKLIPP

27.10.01
Fabel takkar alle dei som har vore innom heimesida, sendt helsingar og deltatt i konkurransen medan dei var i [studio]. Vinnarane vil bli annonsert om kort tid! Dei siste dagane i [studio-dagboka] er også lagt ut no (Telenor mobil si internett oppkobling svikta Fabel dei siste dagane), og fleire [lydklipp] er på plass.

FABEL ER I STUDIO 8-21 OKTOBER!

07.09.01
Følg med på daglege stemningsrapportar, lydklipp og bilete i [Studio-dagboka]

SUMMETONEN I BA 20.09.01

24.09.01
Innlegg i BergensAvisen

ØVINGSHELG

20.08.01
FABEL har gjennomført ei særs vellukka øvingshelg i Bergen. Frå fredag til søndag har dei arrangert nye låtar som alle truleg skal vera med på det nye albumet. Ei stor takk går til NRK Hordaland, Finn Tokvam og Arild Grindheim som alle bidrog til at denne helga vart så vel gjennomført.

ODD-ERIK TIL FIRENZE

17.08.01
I september reiser Odd-Erik på ei vekes kreativ tur til Firenze i regì av Tekstforf attarfondet. God tur!

KULTURSTIPEND

05.07.01
Roger Allan og Odd-Erik er begge tildelt kulturstipend frå Sogn & Fjordane Fylkeskommune. Gratulerar!

TONO STIPEND

27.06.01
Odd-Erik er tildelt eit stipend frå Tono.
Vi gratulerar (igjen)!

STIPEND

30.03.01
Frontfigur Odd-Erik Lothe er tildelt eit arbeidstipend frå "Statens Kunstnerstipend", og eit stipend frå "Tekstforfattarfondet".
Vi gratulerar så mykje!

KJØLSDALEN

19.02.01
Fabel har hatt ei særs koseleg helg i Kjølsdalen med øving og påfølgjande speling på søndagen. Samarbeidet med Kjølsdalen Musikklag vart ein stor suksess foran 160 frammøtte. Låtane "Jordbær & Grasbrann" og "For Halv Maskin" var arrangerte for band og musikklag av Knut Lothe. Takk så mykje Kjølsdalen Musikklag, og ikkje minst vår samarbeidspartnar [Øyre Lyd] !

SEMINAR

Odd-Erik og Roger Allan skal ha kreativt seminar i Telavåg 9-11. februar. [www.aarvika.no]

TURNÉSTØTTE

FABEL har fått turnéstøtte frå Kassettavgiftsfondet, og "Fond for utøvende kunstnere". Denne støtta skal nyttast i samband med nytt album og turnè 2002

MAILING-LISTE

Meld deg på FABEL si mailing-liste, de r siste nytt om FABEL vert sendt ut rykande ferskt. Vil du motta oppdatert FABEL-info kan du berre sende oss ein
[e-post] så ordnar vi resten.

[Tilbake til hovudside]